वरिष्ठ उपाध्यक्ष र महामन्त्री पक्राउ परेपछि पार्टीको धारणा बनाउन राप्रपाको बैठक बस्दै

काठमाडौं । राष्ट्रिय प्रजातन्त्र पार्टी (राप्रपा)ले केन्द्रीय कार्यसम्पादन समितिको बैठक बोलाएको छ। हिजो राजावादीले गरेको आन्दोलनले उग्र लिएपछि पार्टीको धारणा बनाउन बैठक बोलाएको हो।

प्रवक्ता मोहन श्रेष्ठका अनुसार बैठक दिउँसो ३ बजे केन्द्रीय कार्यालय धुम्बाराहीमा बस्नेछ। बैठकमा वर्तमान परिस्थितिको समीक्षा गर्न र पार्टीको धारणा तय गर्ने बताए।

आन्दोलनमा हिंसात्मक बनाउन भूमिका खेलेको भन्दै पार्टीका वरिष्ठ उपाध्यक्ष रविन्द्र मिश्र र महामन्त्री धवलशम्सेर जबरा हिजै पक्राउ परिसकेका छन्।