तीर्थ गुरुङको आख्यान ‘हिउँको गीत’ सार्वजनिक

काठमाडौं । आख्यानकार, अनुवादक तथा समीक्षकको परिचय बनाएका तीर्थ गुरुङको नयाँ आख्यान ‘हिउँको गीत’ सार्वजनिक भएको छ । काठमाडौं कमलादीको प्रज्ञा डबलीमा पुस्तक सार्वजनिक गरिएको हो ।

साढे ७०० वर्ष पुरानो कालखण्डको तमु गुरुङहरुको साझा राज्यबारेमा पुस्तकबारे आख्यानकार सुविन भट्टराई, कवि भूपीन, वीणा थिङ तामाङ र समाजशास्त्री गणेश गुरुङले चर्चा गरेको थिए ।

भूपीनले आफूहरु कलेजमेट भएको भन्दै तीर्थ गुरुङ अध्ययनशील भएको बताए । बजारमा चर्चा नभएको, तर तीर्थ गुरुङले लेखेको एक अङ्ग्रेजीमा सामान्य ज्ञानको पुस्तक आएको उनले बताए । राम्रो अध्ययन गरेरै राम्रो पुस्तक आएको उनको भनाइ छ ।

नेपालका स्टार आख्यानकार सुविन भट्टराईले आफूलाई सवा ४०० पेजको किताब सक्न तीन दिन लागे तापति यो किताब पढ्न एक हप्ता लागेको भन्दै किताबमा चुम्बकीय भाषा भएको बताए ।

किताब ठूलो क्यानभासमा लेखिएको उनको भनाइ छ ।

यस अगाडि आख्यान, अनुवाद र कथाका तीन पुस्तक ल्याइसकेका गुरुङको यो दोस्रो आख्यान हो । यस अगाडि उनले ‘पाठशाला’ नामक आख्यान ल्याएका थिए ।