एफए कप: फुलह्यामलाई पराजित गर्दै क्रिस्टल प्यालेस सेमिफाइनलमा

हेटौंडा । लन्डन प्रतिस्पर्धी फुलह्यामलाई पराजित गर्दै क्रिस्टल प्यालेस एफए कपको सेमिफाइनल प्रवेश गरेको छ । बेम्बली रंगशालामा भएको प्रतिस्पर्धामा ३-० को नतिजा आफ्नो पक्षमा पार्दै प्यालेसले सेमिफाइनलमा स्थान बनाएको हो ।

खेलमा प्यालेसको तर्फबाट ३४औं मिनेटमा इबरेची एजेले गोल गर्दै टीमलाई पहिलो अग्रता दिलाए । त्यसको ४ मिनेटपछि नै इस्माइला सारले गोल गरेपछि पहिलो हाफमा प्यालेस २-० गोलको अग्रता लिन सफल भयो ।

खेलमा फुलह्यामले फर्कन केही उत्कृष्ट प्रहार गरे पनि त्यो सफल हुन सकेन ।

यसैबीच सब्सिच्युटको रुपमा आएका एडी एनकेटियाले सुन्दर गोल गर्दै प्यालेसलाई सेमिफाइनलको स्थान सुरक्षित गरिदिए । चार वर्षको अन्तरालमा प्यालेस दोस्रो पटक सेमिफाइनल पुग्न सफल भएको छ ।