भारतमा रामनवमीको तयारी- मन्दिरको ५०० परिधिमा मदिरा प्रतिबन्ध , २४ घण्टा अखण्ड रामचरित्र पाठ

काठमाडौं । नेपालसँग सीमा जोडिएको भारतीय राज्य उत्तर प्रदेशमा आसन्न रामनवमीमा नयाँ नियम ल्याइएको छ ।

नियम अनुसार २४ घण्टा रामचरित्रको अखण्ड पाठ, २४ घण्टा विद्यु त आपूर्ति तथा मन्दिर आसपास क्षेत्रमा मदिरा बिक्री प्रतिबन्ध लगायतका छन्।

मन्दिरको ५०० मिटरको सेरोफेरोमा मदिरा बिक्री निषेध गरिएको भारतीय अखबार इन्डियन एक्सप्रेसले उल्लेख गरेको छ । इन्डियन एक्सप्रेसका अनुसार उत्तर प्रदेशका सबै ७५ जिल्लालाई यस्तो निर्देशन दिइएको छ ।

यो साल चैत्र २४ मा पर्ने रामनवमीको दिन पशु बद पनि निषेध गरिएको छ । चैत २३ बाट २४ घण्टा अखण्ड रामचरित्र पाठ हुनेछ । नियम नमान्नेलाई कडा कारबाही हुने बताइएको छ ।