केन्द्रीय क्याम्पसको सभापतिमा कडा टक्कर, अन्य पदमा अनेरास्ववियुको फराकिलो अग्रता

काठमाडौं । त्रिभुवन विश्वविद्यालयको केन्द्रीय क्याम्पस कीर्तिपुरमा भएको स्ववियू निर्वाचनमा सभापतिमा कडा टक्कर देखिएको छ भने अन्य पदमा अनेरास्ववियुको फराकिलो अग्रता देखिएको छ ।

जम्मा ३११८ मत खसेकोमा हालसम्म २३०१ गणना हुुँदा अनेरास्ववियुका उम्मेदवार सिद्धान्त भट्टले ६१७ सहित अग्रता कायमै राखेका छन् । तर नेविसंघका दिपक राज जोशीभन्दा मात्रै ११ मतले सिद्धान्तले लिड गरेका छन् । जोशीको मत ६०६ छ ।

उता अखिल क्रान्तिकारीका प्रविन दाहालले ५८७ मत प्राप्त गरेका छन् ।

सचिव र कोषाध्यक्षसहित सदस्यमा भने अनेरास्ववियुका उम्मेदवारले फराकिलो मतान्तरले अग्रता लिइरहेका छन् ।