केन्द्रीय क्याम्पस स्ववियूः मत गणनाको अन्तिममा रोचक भिडन्त, सिद्धान्त र दिपकको बराबर मत

काठमाडौं । त्रिभुवन विश्वविद्यालयको केन्द्रीय क्याम्पस कीर्तिपुरमा भएको स्ववियू निर्वाचनमा सभापतिमा कडा टक्कर देखिएको छ । गणना सकिनै लाग्दा सभापतिका लागि अनेरास्ववियुका उम्मेदवार सिद्धान्त भट्ट र नेविसंघका दिपक राज जोशीको मत बराबर आएको छ ।

जम्मा ३११८ मत खसेकोमा हालसम्मा २६३२ गणना हुुँदा भट्ट र जोशीले बराबर ६५९ मत ल्याएका छन् । उता अखिल क्रान्तिकारीका प्रविन दाहालले ६२१ मत प्राप्त गरेका छन् । स्वतन्त्र उम्मेदवार उज्ज्वल खड्काले ४३३ मत ल्याएका छन् ।

सचिव र कोषाध्यक्षसहित सदस्यमा भने अनेरास्ववियुका उम्मेदवारले फराकिलो मतान्तरले अग्रता लिइरहेका छन् ।