रारा क्याम्पस स्ववियुमा नेविसंघकी जयलक्ष्मी रावल विजयी

मुगु । रारा बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघकी जयलक्ष्मी रावलले जित हात पारेकी छन् ।

निर्वाचन परिणामअनुसार उनले ७३ मत प्राप्त गर्दै प्रतिस्पर्धीहरूलाई पछि पारिन् ।

अर्का उम्मेदवार, अनेरास्ववियू र अखिल क्रान्तिकारीका साझा उम्मेदवार रविन मल्ल ४८ मतमा सीमित रहे ।

स्वतन्त्र उम्मेदवार सुशीलकुमार मल्लले १७ मत पाए ।

यो नतिजाले रारा क्याम्पसको विद्यार्थी राजनीतिमा नेपाल विद्यार्थी संघको प्रभाव देखाएको छ भने विपक्षीहरूलाई पुनः रणनीति निर्माण गर्नुपर्ने अवस्थामा पुर्याएको छ ।