त्रिचन्द्र क्याम्पसमा निर्वाचन हुँदै

काठमाडौं । त्रिचन्द्र क्याम्पसमा स्वतन्त्र विद्यार्थी युनियन (स्ववियू) को चुनाव आज हुँदैछ ।

यसअघि पटक पटक स्थगित भएको चुनाव आज हुन लागेको हो । मतदान विहान ८ बजेबाट सुरु हुने बताइएको छ ।

यहाँ नेविसंघका सभापतिमा गोविन्द कोइराला र अनेरास्ववियुबाट प्रमित विष्ट छन् ।

त्यस्तै सचिवमा नेविसंघबाट आशिष गिरी र अनेरास्ववियुबाट सुमन पुलामी प्रतिस्पर्धामा छन् ।

कोषाध्यक्षमा नेविसंघबाट दुषयन्त गौतम र अनेरास्ववियुबाट सुवास विडारी रहेका छन् ।