१५ गते गोली लागेर घाइते भएका रेविका खत्री र दाइको लागि न्याय माग्दै कोटेश्वर क्याम्पसका विद्यार्थीको प्रदर्शन
नेपाल प्रेस
२०८१ चैत १९ गते १०:४७
काठमाडौं । राजावादीहरुको आन्दोलनका क्रममा घाइते भएका विद्यार्थीको लागि न्याय माग्दै कोटेश्वर क्याम्पसका विद्यार्थीले प्रदर्शन गरेका छन् ।
चैत १५ गते तीनकुनेमा भएको हिंस्रक प्रदर्शनमा गोली लागेर रेविका खत्री र उनका दाइ घाइते भएका थिए । खत्री सोही क्याम्पसमा बीबीएस तेस्रो वर्षमा अध्ययनरत विद्यार्थी हुन् ।
उनलाई राजावादी आन्दोलनको दिन भाटभटेनी नजिक गोली लागेको थियो । खुट्टामा गोली लागेकी रेविकाको सिभिल अस्पतालमा उपचार भइरहेको छ ।
सोही प्रदर्शन दर्जन बढी घाइते भएका छन् ।
एकजना पत्रकारसहित २ जनाको मृत्यु भएको थियो ।
घटनामा संलग्न रहेको र भिडलाई उत्तेजित बनाएको भन्दा राप्रपाका नेतासहित केही व्यक्तिलाई प्रहरीले पक्राउ गरेर अनुसन्धान गरिरहेको छ ।
आन्दोलनका ‘कमान्डर’ दुर्गा प्रसाईँ भने अहिले फरार रहेका छन् । उनलाई प्रहरीले खोजिरहेको छ ।
नेपाल प्रेस
प्रकाशित: २०८१ चैत १९ गते १०:४७
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
