हिउँदे अधिवेशनको अन्तिम दिन : दिपक बोहराको निधनमा शोक प्रस्ताव पारितपछि अन्त्य हुँदै

काठमाडौं । प्रतिनिधिसभाको बैठक सुरु हुन केही ढिलाइ भएको छ । राष्ट्रिय प्रजातन्त्र पार्टीका सांसद दिपक बोहराको निधनका कारण बैठक बस्न ढिलाइ हुने भएको हो ।

सभामुख देवराज घिमिरे प्रतिनिधिसभाको बैठक कक्षमा पुगेपछि बोहराको निधनको खबर आएकाले केहीबेर रोकिएको हो ।

सम्बन्धित दलबाट निधनको पत्र आउन बाँकी रहेकाले संसद केही ढिला सुरु हुने सचिवालयले जनाएको छ ।

आजको बैठक हिउँदे अधिवेशनको अन्तिम बैठक हो । बैठकमा शोक प्रस्ताव पारित भएपछि अन्त्य गर्ने तयारी रहेको छ ।

घण्टी सुरु गर्नुअघि सभामुख बैठक कक्षको लबीमा पुग्ने अभ्यास छ ।