विप्लव नेतृत्वको नेकपाको निर्णय- समाजवादी मोर्चालाई पार्टी एकतामा बदल्ने प्रयास गर्ने

काठमाडौं । नेत्रविक्रम चन्द विप्लव नेतृत्वको नेकपाले विचार मिल्नेहरूसँग पार्टी एकताको प्रयासलाई जारी राख्ने निर्णय गरेको छ ।

हालै बसेको पार्टीको पोलिटब्युरो बैठकले किरण, आहुति, कञ्चन, मोहन विक्रम लगायतले नेतृत्व गरेका पार्टीहरूसँग सहकार्य र मोर्चाबन्दीको प्रयास गर्ने निर्णय गरेको हो ।

समाजवादी मोर्चालाई प्रभावकारी बनाउने, पार्टी एकताको प्रयास जारी राख्नेलगायत पनि निर्णय गरेको स्थायी समिति सदस्य अनिल शर्मा विरहीले बताए ।

बैठकलाई सम्बोधन गर्दै महासचिव विप्लवले वर्तमान राजनीतिक सङ्कटको समाधान प्रतिगमन र यथास्थिति नभएको बताउँदै नेपाली विशेषताको समाजवादको निम्ति स्वतन्त्र र संयुक्त पहल गर्ने बताएका थिए ।