नेप्सेमा दोहोरो अंकको गिरावट, ५ अर्ब ७९ करोडको कारोबार

काठमाडौं । नेपाल स्टक एक्सचेञ्ज (नेप्से)मा मंगलबार दोहोरो अंकको गिरावट भएको छ । आज नेप्से १५.५७ अंकले घटेर २ हजार ६ सय ७७ दशमलब ५५ विन्दुमा बन्द भएको हो ।

आजको कारोबारमा ४२ कम्पनीको शेयरमूल्य बढ्दा २०१ को घटेको छ । घटेको बजारमा एक कम्पनीका लगानीकर्ताले सर्वाधिक कमाएका छन् । जसमा गार्डियत माइक्रो लाइफ इन्स्योरेन्स रहेको छ । जसको शेयरमूल्य १० प्रतिशतले बढेर प्रतिकित्ता २ हजार ५७९ रुपैयाँ पुगेको छ ।

गुरास लघुवित्त वित्तीय संस्थाका लगानीकर्ताहरुले सर्वाधिक गुमाए । यस कम्पनीको शेयरमूल्य ५.९६ प्रतिशतले घटेको छ । हिमालयन रि–इन्स्योरेन्स कम्पनीको सर्वाधिक कारोबार भएको छ । यस कम्पनीको आज ६४ करोड २५ लाख बराबरको कारोबार भएको नेप्सेले जनाएको छ ।