१० वटा स्थानीय तहमा काम गर्ने गरी भारतसँग सहयोग सम्झौता (भिडिओ)

काठमाडौं । नेपाल सरकार र भारत सरकारबिच स्थानीय तहमा शिक्षा र स्वास्थ्य क्षेत्रमा सहयोगसम्बन्धी सम्झौता भएको छ ।

मंगलबार सङ्घीय मामिला तथा सामान्य प्रशासन मन्त्रालयमा मन्त्रालय, नेपालीस्थीत भारतीय दूतावास र ९ वटा पालिकाको १० वटा स्थानीय तहबीच शिक्षा र स्वास्थ्य क्षेत्रमा सहयोगसम्बन्धी सम्झौता भएको हो ।

जसअनुसार धनगढी उपमहानगरपालिका, धुर्कोट गाउँपालिका, गुल्मी, चंखेली गाउँपालिका, हुम्ला, बुटवल उपमहानगरपालिका, ईन्द्रवती गाउँपालिका, सिन्धुपाल्चोक, जय पृथ्वी नगरपालिका बझाङ, भरतपुर महानगरपालिका, चितवनलगाएतका स्थानीय तहमा सहयोग उपलव्ध गराउने विषयमा सम्झौता भएको मन्त्रालयका प्रवक्ता कालीप्रसाद पराजुलीले जानकारी जानकारी दिए ।

यसअघि चालू आर्थिक वर्षमा १३ वटा परियोजनामा सम्झौता भइसकेको उनले जानकारी दिए । उनले सम्बन्धित पालिकाबाट आयोजना माग गरेर अर्थ मन्त्रालयमार्फत भारतीय दूतावासमा प्रस्ताव पठाएपछि दूतावासले स्वीकृत गर्ने प्रक्रिया रहेको जिकिर गरे ।

उनले सम्झौता कार्यान्वयन हुने प्रत्येक आयोजनाको अधिकतम बजेट सीमा २० करोड रुपैयाँ रहने बताए ।