कुलमान र हितेन्द्रको मुद्दा हेर्दाहेर्दैमा

काठमाडौं । नेपाल विद्युत प्राधिकरणका बर्खास्तीमा परेका कुलमान घिसिङ र नवनियुक्त कार्यकारी निर्देशक हितेन्द्रदेव शाक्यको रिट हेर्दाहेर्दैमा राखिएको छ ।

न्यायाधीशद्वय कुमार चुडाल र नित्यानन्द पाण्डेको संयुक्त इजलासमा पेशी तोकिएको रिटमा बहस नसकिएपछि उनीहरुको रिट हेर्दाहेर्दैमा राखिएको हो ।

उनीहरु दुबैको मुद्दाकाे भोलि निरन्तर सुनुवाइ हुनेछ। शाक्य र घिसिङको मुद्दा उस्तै प्रकृतिको भएको भन्दै अदालतले एकसाथ सुनुवाइ अघि बढाएको छ।

कुलमानले आफूलाई पुनर्वहालीको माग गर्दै रिट हालेका छन् । शाक्यले पनि यसअघि आफूलाई गैरकानूनीरूपमा हटाइएको भन्दै दायर गरेको रिट पनि विचाराधीन छ ।