प्रशासकीयलाई रोक्न मेयर बालेनले गरे नगर प्रहरी तैनाथ, स्वागत गर्न महानगर कर्मचारी गेटमा (LIVE)

काठमाडौं। वडाध्यक्षहरु र कर्मचारीले काठमाडौ महानगरपालिकाका प्रमुख प्रशासकीय अधिकृत सरोज गुरागाईं कार्यालयमा हाजिर गराउने तयारीस्वरुप जम्मा भएपछि मेयर बालेन शाहले महानगर प्रहरी परिचालन गरेका छन् ।

कमलादीस्थित काठमाडौं महानगरको कार्यालयमा एकातिर कर्मचारीहरु सबै वडाबाट जम्मा भएर प्रमुख प्रशासकयि अधिकृतको स्वागतका लागि बसेका छन् भने अर्कोतर्फ उनलाई रोक्न मेयरकले नगर प्रहरी तैनाथ गरेका छन् ।

महानगरमा कर्मचारी र नगर प्रहरीबीचमै विवादको रुप लिएको छ । ५ महिनादेखि तलब नपाएको र महानगरको काम ठप्प भएको भन्दै कर्मचारीले नै प्रशासकीय अधिकृतलाई हाजिर गराउन खोजेका हुन् ।

काठमाडौं टावरको नक्सा पासमा अनियमितता गरेको भन्दै मेयर बालेन साहले उनलाई अघोषित निलम्बनमा राखेका थिए । उनलाई कार्यालयमा प्रवेश निषेध गरिएको थियो ।

मेयर साहले गुरागाईंलाई हटाएर नयाँ प्रमुख प्रशासकीय अधिकृत ल्याउन चाहेका थिए । तर, उनीमाथिको कुनै पनि आरोप पुष्टि नभएकाले सरकार गुरागाईलाई हटाउन तयार भएन । संघिय मामिला तथा सामान्य प्रशासन मन्त्रालयले उनैलाई निरन्तरता दिएपछि मेयर साहले सामाजिक सञ्जालमार्फत आक्रोश पोखिरहेका थिए ।