संगीत रोयल्टी समाजको अध्यक्षमा पुनः संगीतकार अधिकारी

काठमाडौं । संगीत रोयल्टी संकलन समाजको अध्यक्षमा पुनः सुरेश अधिकारी चयन भएका छन् । बुधबार काठमाडौंमा सम्पन्न समाजको १२ औं साधारण सभाले अधिकारीलाई नेतृत्वमा चुनेको हो ।

सदस्यहरुमा गीतकारतर्फ चन्द्र शर्मा, बी पाण्डे, सुवास रेग्मी, सुजन लम्साल, विमल अधिकारी चयन भएका छन् । संगीतकारतर्फ वसन्त सापकोटा, पीएन सापकोटा, शिरिष देवकोटा, रामु खड्का, राजेन्द्रकुमार कार्की सदस्यमा चयन छन् ।

अधिकारी तेस्रो कार्यकालको लागि अध्यक्षमा चुनिएका हुन् । आगामी कार्यकालको मुख्य एजेन्डा रोयल्टी विकास बोर्ड गठन र रोयल्टी मापदण्ड निर्धारण हुने नेपाल प्रेससँग उनले बताए ।

साधारणले सभाले अध्यक्ष र सदस्य चयन गरेपनि अन्य पदाधिकारी चयन गर्न बाँकी छ । केही दिनमा कार्यसमितिले पूर्णता पाउने अध्यक्ष अधिकारीले जानकारी दिए ।