फ्रान्सद्वारा बेलायतसँगको रक्षा वार्ता स्थगित, अकुस सम्झौतालाई लिएर पेरिस आक्रोशित

काठमाडौं । फ्रान्सले अर्को साता निर्धारित बेलायतसँगको रक्षावार्तालाई स्थगित गरेको छ । अमेरिका, बेलायत र अष्ट्रेलियासँगको रक्षा सम्झौता अकुसलाई लिएर आक्रोशित फ्रान्सले पूर्वनिर्धारित वार्ता सुरु हुन एकसाता बाँकी रहँदा स्थगित भएको जनाएको हो ।

फ्रान्सेली रक्षामन्त्रीले उनका बेलायती समकक्षीसँगको वार्ता स्थगित भएको जनाएकी छिन् । अष्ट्रेलियालाई आणविक पनडुब्बी बनाउन सघाउने बेलायत र अमेरिकाको रक्षा सम्झौतापछि पेरिस क्रुद्ध छ ।

क्रुद्ध हुनुमा यसअघि फ्रान्सले अष्ट्रेलियाको जलसेनाका झन्डै दुईदर्जनभन्दा बढी आणविक पनडुब्बी निर्माण सम्झौता स्थगित कारण छ । पेरिसले यसैसाता अमेरिका र बेलायतबाट आफ्ना राजदूत फिर्ता गर्ने घोषणा गरिसकेको छ ।

तर, बेलायती प्रधानमन्त्री बोरिस जोन्सनले रक्षा सम्झौताबाट फ्रान्स चिन्तित हुनुपर्ने कारण नरहेको बताएका छन् । आउने साता लन्डनमा रक्षमन्त्री बेन वालेससँग फ्रान्सेली समकक्षी फ्लोरेन्स पार्लीको बैठक डाकिएको थियो ।

फ्रान्सका लागि पूर्वबेलायती राजदूत लर्ड रिकेट्सले वार्ता स्थगित भएको पुष्टि गरेका छन् । गतसाता इन्डो–प्यासिफिक क्षेत्रमा चिनियाँ प्रभुत्वलाई रोक्ने उद्देश्यले तीन साझेदार मुलुकले रक्षा सम्झौता गरेका थिए ।