बुधबार १४ सय कोभिड संक्रमित थपिए, ६ जनाको मृत्यु

काठमाडौं । पछिल्लो २४ घण्टामा मुलुकमा १४७८ जना कोभिड–१९ संक्रमित थपिएका छन् । बुधबार स्वास्थ्य मन्त्रालयद्वारा आयोजित नियमित प्रेस ब्रिफिङमा प्रवक्ता कृष्णप्रसाद पौडेलले सो जानकारी दिएका हुन् ।

बुधबार १३ हजार ९३० नमुना पीसीआर र एन्टीजेन परीक्षण गर्दा ती संक्रमित थपिएका हुन् । १६३० जना निको भएका छन् । ६ जनाको कोभिड संक्रमणले मृत्यु भएको छ ।

दैनिक संक्रमण दर ११.३ प्रतिशत छ । २१ हजार १३९ जना सक्रिय संक्रमित रहेका छन् । १९ हजार ८०५ जना होम आइसोलेसनमा छन् ।

अहिलेसम्म मुलुकमा कूल संक्रमित संख्या ८ लाख ७७ हजार, निको हुने संख्या ७ लाख ३० हजार र कूल मृत्यु ११ हजार ६९ रहेको छ ।