राष्ट्रसंघीय महासभामा भाग लिएका ब्राजिली राष्ट्रपति आइसोलेसनमा

न्यूयोर्क । राष्ट्रसंघीय महासभामा भाग लिएर फर्किएका ब्राजिली राष्ट्रपति जैर बोल्सेनारो आइसोलेसनमा बसेका छन् । रोयटर्सका अनुसार स्वास्थ्यमन्त्री कोरोना संक्रमित देखिएपछि बोल्सेनारोले बुधबार आफूलाई न्यूयोर्कमा क्वारेन्टिनमा राखेका हुन् ।

ब्राजिलका स्वास्थ्य अधिकारीका अनुसार राष्ट्रसंघ महासभामा गएको ब्राजिली डेलिगेसन टोलीलाई नै आइसोलेसनमा राखिएको छ । समूहका सबै जनाको कोरोनाभाइरस परीक्षण समेत गरिने भएको छ ।

मंगलबार राष्ट्रपति बोल्सेनारोले महासभामा भाषण गरेको केही घण्टापछि स्वास्थ्यमन्त्री मार्सेलो क्यूरोगा संक्रमित पाइएकी थिइन् । पूर्ण मात्रा खोप लगाएकालाई मात्र राष्ट्रसंघीय महासभामा भाग लिन अनुमति दिने राष्ट्रसंघीय नियमको उल्लंघन गर्दै बोल्सेनारो त्यहाँ पुगेका थिए ।

उनले खोप अभियानको समेत विरोध गर्दै आएका छन् । मंगलबार राष्ट्रसंघ भवनमा बोल्सेनारो र बेलायती प्रधानमन्त्री बोरिस जोन्सनसँगको भेटमा स्वास्थ्यमन्त्री क्यूरोगा पनि सहभागि थिइन् । ब्राजिली डेलिगेसन टोलीले आफूलाई १४ दिन क्वारेन्टिनमा राख्ने निर्णय गरेको पुष्टि राष्ट्रसंघका प्रवक्ता स्टेफन डुजारिकले बताएका छन् ।