वर्षमान फेरि अस्वस्थ, भएको के हो ?

काठमाडौं । नेकपा (माओवादी केन्द्र) का नेता वर्षमान पुन फेरि बिरामी परेका छन् । उनको स्वास्थ्यमा समस्या देखिएपछि हिजो अस्पताल भर्ना गरिएको छ । चेकजाँचपछि शरीरमा केही जण्डिसको मात्रा देखिएको उनका स्वकीय सचिव सन्तोष पुनले जानकारी दिए ।

अहिले स्वाथ्यमा केही सुधार आएको र स्वाथ्यकर्मीको निगरानीमा घरमै आराम गरिरहेको पुनले बताए । माओवादी अध्यक्ष पुष्पकमल दाहाल ‘प्रचण्ड’सोमबार बिहान वर्षमानलाई भेट्न उनकै निवास पुगेका थिए ।

वर्षमान यसअघि पनि बिरामी भएका थिए । शुरूमा भाइरल ज्वरो आएर भाइरल निमोनिया भएपछि उनलाई थाइल्याड लगिएको थियो । त्यहाँ करिब महिना दिन बसेर उपचार गरेर उनी स्वदेश फर्किएका थिए ।