कृषि कानून खारेजीको माग गर्दै आजदेखि देशव्यापी प्रदर्शनमा उत्रिए भारतीय किसान

दिल्ली । कृषि क्षेत्रलाई गरिएको उदारीकरणले आफूहरुको जीवनशैलीलाई असर तुल्याउनेभन्दै भारतीय किसानहरुले आजदेखि देशव्यापी प्रदर्शन सुरु गर्दैछन् । गतवर्ष ल्याइएको कृषि कानूनले आफूहरुको जीविकालाई असर पार्ने र कृषि क्षेत्रको निजीकरण हुनसक्ने भन्दै यो कानून खारेजीको माग गर्दै किसानहरु आन्दोलनमा छन् ।

किसानहरुले १० महीनादेखि नरेन्द्र मोदीको सरकारविरुद्ध राजधानी दिल्ली वरपर अखडा जमाएर विरोध प्रदर्शन गरिरहेका छन् । ‘ठूला निजी संस्थालाई फाइदा हुने ढंगले ल्याइएको कृषि कानूनको विरोधमा हुन लागेको प्रदर्शनलाई देशव्यापी तुल्याउन किसान प्रतिनिधिहरु सबै जिल्लामा पुगेका छन्’ राकेश तिकैट नामका एक किसानले रोयटर्सलाई भने ।

यसै महीना सर्वाधिक आवदी भएको उत्तर प्रदेशमा ५० हजारौं किसानले प्रदर्शन गरेका थिए । अहिलेसम्मकै ठूलो भनिएको उक्त प्रदर्शनमार्फत किसानले कृषि कानूनको विरोधमा प्रदर्शन गरेका थिए ।

गत सेप्टेम्बरमा लागू गरिएको कानूनले किसानको उत्पादन सीधै सरकारलाई बेच्ने कामलाई रोकेको छ । बिचौलियामार्फत उत्पादन बिक्री गर्ने कानून ल्याएको भन्दै किसानहरु विरोधमा उत्रिएका हुन् । तर, सरकारले चाहिँ कानून पुनर्संरचनाले किसानलाई फाइदा पुग्ने बताइरहेको छ ।