८३ वर्षपछि टाटाले नै लियो एयर इण्डियाको स्वामित्व

काठमाडौं । भारतीय ध्वजावाहक हवाई सेवा कम्पनी एयर इण्डिया टाटा समूहलाई बिक्री गरिएको छ ।

भारत सरकारको स्वामित्वमा रहेको एयर इन्डिया ८३ वर्षपछि पुनः टाटा कम्पनीकै स्वामित्वमा पुगेको छ । सरकारले कम्पनीको घाटा धान्नै नसकेकाले प्रतिस्पर्धाका आधारमा बढी बोल कबोल लगाएको टाटा समूहलाई बेचिएको हो । भारतीय संचारमाध्यमका अनुसार सरकारले राखेको मूल्यभन्दा ३ हजार करोड बढी टाटाले तिरेको छ ।

जहाज बिक्रीका लागि भारतीय अर्थमन्त्री निर्मला सीतारमण, वाणिज्य मन्त्री पियुष गोयल र उड्डयन मन्त्री ज्योतीरादित्य संन्धियालगायतको समिति गठन गरिएको थियो । कम्पनीकाअनुसार एयर इन्डियाको मूल्यांकन मूल्य २० करोडको छ ।

१९३२ मा टाटा ग्रुपले नै टाटा एयर सर्भिसको नामबाट एयर इण्डिया सुरू गरेको थियो । पछि, सन् १९३८ सम्म आन्तरिक उडान गर्दै आएकोमा कम्पनीले दास्रो विश्वयुद्धपछि सरकारलाई स्वामित्व हस्तान्तरण गरेको थियो ।

कम्पनी घाटामा गएपछि भारत सरकारले यसको शाःखमात्र जोगाउने प्रयास गरेको थियो । घाटा धान्न नसकेपछि सन् २००० देखि नै कम्पनी बेच्ने भनिए पनि निजीकरण भने हुन सकेको थिएन ।

अहिले एयर इन्डियाको ऋण करिब ३८४ अर्ब भारुभन्दा बढी पुगिसकेको छ । भने एयर इन्डियासँग २०२० मार्चसम्म कुल सम्पत्ति करिब चार खर्ब ५८ अर्ब ६३ करोड छ ।