कतारमा आज संसदीय निर्वाचनका लागि मतदान सुरु

दोहा । कतारमा आजदेखि पहिलो संसदीय चुनावका लागि मतदान सुरु भएको छ । सुरा काउन्सिल भनिने त्यहाँको संसदका लागि सदस्यहरु निर्वाचित गर्ने चुनावका लागि आज बिहानैदेखि कतारी नागरिकले मतदान सुरु गरेका छन् ।

सहभागितामूलक निर्वाचन र नागरिकजस्ता घरेलु मुद्दालाई निर्वाचित हुने यो अंगले निक्र्यौल प्रदान गर्नेछ । कूल ४५ सिट रहेको सुरा काउन्सिलमा यो चुनाबले ३० सदस्य निर्वाचित गर्नेछ भने राजाले १५ सदस्य नियुक्त गर्नेछन् ।

बेलुका ५ बजे सकिने मतदानको नतिजा आजै बेलुका आउने अपेक्षा गरिएको छ । निर्वाचित हुने यो आयोगले विधायकी अधिकार र बजेटसहित राज्यका सामान्य नीतिबारेका अधिकार प्राप्त गर्नेछ तर, राष्ट्रिय प्रतिरक्षा, सुरक्षा, आर्थिक तथा लगानी नीतिबारे निर्णय गर्न पाउनेछैन ।

अलजजिराले कतारको यो चुनावलाई सरकार संचालनको आधुनिक स्वरुप भएको जनाएको छ । ‘हामी मतदान स्थलमा मतदाताको उत्साहजनक उपस्थिती देखेका छौं’ अलजजिराले भनेको छ ।