अध्ययन नगरी कृषिमा विदेशी लगानी नभित्र्याऊ : निजी व्यवसायी संघ

काठमाडौं । सरकारले भर्खरै कृषिमा विदेशी लगानी खुला गरेसँगै तीन व्यवसायिक निजी संस्थाले सरकारको निर्णय प्रति ध्यानाकर्षण भएको जनाएको छ ।

नेपाल उद्योग बाणिज्य महासंघ, नेपाल चेम्बर अफ कमर्स र उद्योग परिसंघ तीनओटै संस्थाले संयुत्त रुपमा सोमबार विज्ञप्ती जारी गरेका छन् । विज्ञप्तीमा सरकारले कृषिमा विदेशी लगानी खुला गर्दा निजी क्षेत्रसँग वृहत छलफल र गृहकार्य हुनुपर्नेमा कुनै छलफल नगरी निणर्य सार्वजानिक गरेकाले त्यसमा असन्तुष्टि व्यक्त गरेका छन् ।

विदेशी लगानी मुलुकका लागि अत्यावश्यक भएको तर उक्त लगानीलाई प्रवद्धन गर्न सरकारले विगतका गरेका प्रतिवद्धता पूरा गर्नुपर्ने विज्ञप्तीमा उल्लेख छ ।

सरकारले सम्बन्धित विषयमा नीति नियम, निर्देशिका, कार्याविधि बनाउदा वा शंसोधन गर्दा निजी क्षेत्रसँग अनिवार्य रुपमा छलफल गर्नुपर्ने संघहरुको भनाइ छ ।

यसैगरी, कृषि क्षेत्रमा विदेशी लगानी खुला गर्दा त्यसबाट भित्रने प्रविधि, यसले उपयोग गर्ने कचा पदार्थ र निर्यातको अवस्था हेरेर मत्र निर्णय गर्नुपर्ने उनीहरुले बताएका छन् ।

विदेशबाट उच्चतम प्रविधि भित्राउने, स्वदेशी कच्चा पदार्थ उपयोग गर्ने र अधिकांश हिस्सा निर्यात गर्न सक्ने सम्भाव्यता विस्तृत अध्ययन गरेर मात्र कृषिमा विदेशी लगानी खुला गर्ने निणर्य कार्यान्वयन गर्नुपर्नेमा उनीहरुको जोड छ ।

कृषि क्षेत्रमा विदेशी लगानी खुला गर्ने सरकारको निणर्यसँगै कृषि उद्योग व्यवसायीले विरोध गरीरहेका छन् ।