नेपाल सीमावर्ती भारतीय बजारबाट कांग्रेस नेतृ प्रियंका गान्धी पक्राउ, झडपमा आठजनाको मृत्यु

कैलाली । नेपाल सीमावर्ती भारतको तिकुनियामा किसान आन्दोलनमा भएको भएको हिंसामा ८ जनाको मृत्यु भएको छ । हिंसामा मारिएकाहरुको परिवारलाई भेट्न पुगेकी भारतीय कांग्रेसकी नेतृ प्रियंका गान्धीलाई प्रहरीले नियन्त्रणमा लिएको छ ।

उक्त आन्दोलनमा सहभागी हुन जाने क्रममा भारतीय काङ्ग्रेसकी नेता प्रियङ्का गान्धीलाई प्रहरीले पक्राउ गरेको छ । तिकुनिया नेपालको कैलाली जिल्लाबाट पारी पर्ने भारतीय सहर हो । उत्तर प्रदेशको लाखिम्पुर खेरी जिल्लामा किसानले आन्दोलन गरेका थिए ।

गान्धीलाई यूपी प्रहरीले लखनउमै रोक्न खोजेको थियो। प्रहरी अधिकारीले गान्धीलाई हिरासतमा लिन खोज्दा उनले गिरफ्तार वारेन्ट देखाउन भनेकी थिइन्।उनलाई हिरासतमा लिन खोजेपछि केही बेर काँग्रेस कार्यकर्ता र प्रहरीबिच धक्कामुक्का भएको थियो ।

भारत सरकारले ल्याएको कृषि कानूनको खारेजीको माग गर्दैै भारतीय किसानहरु गतसातादेखि पुनः आन्दोलनमा उत्रिएका छन् । किसानको मागलाई कांग्रेसले समर्थन गरेको छ भने सत्तारुढ भारतीय जनता पार्टीले भने किसान आन्दोलनलाई सम्बोधन गर्न तदारुकता देखाएको छैन ।