जसपा मधेस प्रदेश समितिको अध्यक्षमा यादव चयन

जनकपुरधाम । जनता समाजवादी पार्टी (जसपा) मधेश प्रदेश समिति (प्रदेश २) को अध्यक्षमा पुनः विजय कुमार यादव अध्यक्ष चयन भएका छन् ।

तत्कालीन राजपा र समाजवादीको समायोजन पश्चात जसपा मधेस प्रदेश समितिको अध्यक्षमा यादव चयन भएका हुन् । धनुषाको लक्ष्मीनियामा पार्टी अध्यक्ष उपेन्द्र यादवको प्रमुख अतिथ्यमा बसेको प्रदेश समिति बैठकबाट यादवको अध्यक्षतामा १ सय ५१ सदस्यीय समिति चयन गरिएको छ ।

प्रदेश २ का कृषि मन्त्री समेत रहेका यादवलाई अध्यक्ष बनाएपनि अन्य पदाधिकारी चयन गरिएको छैन् । अन्य पदाधिकारी पछि चयन गरिने प्रदेश सदस्यमा चयन भएका नेता दिपेश यादवले जानकारी दिए । उनका अनुसार पूर्व राजपाका ५० जनालाई राखिएको छ ।

अगामी कात्तिक १५ मा पदाधिकारी चयन गरिने बताइएको छ । समायोजन अगाडी राजिनामा दिएका निवर्तमान मुख्य सचिव शम्भु झालाई समितिमा राखिएको छैन् । यादवलाई अध्यक्ष बन्नबाट मुख्यमन्त्री लालबाबु राउतले रोक्ने प्रयास गरेपनि असफल बनेका छन् ।