बैतडीमा पहिरोले घर पुरिँदा तीन जनाको मृत्यु

कैलाली । बैतडीमा पहिरोले घर पुरिदा तीन जनाको मृत्यु भएको छ । जिल्लाको शिवनाथ गाउँपालिका–६ मा पहिरोले घर पुरिदा तीन वर्षीया बालिकासहित तीन जनाको मृत्यु भएको हो ।

मृत्यु हुनेमा १८ वर्षीया पवित्रा पार्की उनका २४ वर्षीया श्रीमानभानु पार्की र उनकाे तीन वर्षीया छोरी सोम पार्की रहेको शिवनाथ गाउँपालिकाकी उपाध्यक्ष कुस्मा चन्दले बताइन् ।

उनीहरुको मंगलबार बिहान पहिरोमा पुरिएर मृत्यु भएको भएको उनले बताइन् । यस अघि आजै डोटीमा २ जनाको घर भत्किदा र डडेल्धुरामा १ जनाको पहिरोले घर पुर्दा मृत्यु भएको थियो ।