‘गिनिज बुक’ मा राख्नुपर्ने ओलीका कामबारे बाबुरामको व्यंग्यात्मक सूची

काठमाडौं । पूर्वप्रधानमन्त्री एवं जनता समाजवादी पार्टीका नेता बाबुराम भट्टराईले एमाले अध्यक्ष केपी शर्मा ओलीले ‘गिनिज बुक’ आफूले गरेका कामले आधा भरिने भनाइप्रति टिप्पणी गरेका छन् ।

बुधबार एमाले वागमती प्रदेश कमिटीले आयोजना गरेको बैठकमा ओलीले आफ्नो नेतृत्वको सरकारले गरेका कामले गिनिज बुक आधा भरिने बताएका थिए । त्यसप्रति व्यंग्यात्मक टिप्पणी गर्दै भट्टराईले त्यसको सूची ट्वीटरमा राखेका छन् ।

उनको सूची यस्तो छ-

१. दुई-दुई पटक असंवैधिक ढंगले संसद विघटन र अदालतबाट पुन:स्थापना

२. संघमा दुईतिहाइ बहुमतको सरकार र ६ वटा प्रदेश सरकार गुमाएर सडकमा

३. सरकारी निवासमा विदेशी गुप्तचरसँग घण्टौं कानेखुसी

४. मुखमा कम्युनिष्ट मनमा ठोरीवाला राम

५. हावादारी गफ र उखानटुक्कामा ताली लाउने अरिंगाल सेना

ओलीको गिनिज बूक रेकर्ड=१.२/२पटक असंवैधिक ढंगले संसद विघटन र अदालतबाट पुनर्स्थापना;२.संघमा२/३बहुमतको सरकार र ६वटा प्रदेश सरकार गुमाएर सडकमा;३.सरकारी निवासमा विदेशी गुप्तचरसंग घण्टौं कानेखुसी;४.मुखमा कम्युनिष्ट मनमा ठोरीवाला राम;५.हावादारी गफ र उखानटुक्कामा ताली लाउने अरिंगाल सेना! https://t.co/Kz1zJUHxBx

— Baburam Bhattarai (@brb1954) October 21, 2021