कैलालीमा आज एमालेको वडा अधिवेशन हुँदै

कैलाली । नेकपा एमाले कैलालीको आज वडा अधिवेशन भइरहेको छ । मुलुकका अन्य स्थानहरूमा कात्तिक ६ गते वडा अधिवेशन भए पनि कैलाली लगायत सुदूरपश्चिम प्रदेशका केही जिल्लामा आज वडा अधिवेशन भइरहेको हो ।

बाढी र पहिरोले ठूलो क्षति गरेपछि सुदूरपश्चिम प्रदेशमा १२ गते वडा अधिवेशन गर्ने र १५ गते नगर अधिवेशन गर्ने निर्णय गरिएको थियो । केही पहाडी जिल्लाका केही क्षेत्रमा यसअघि नै वडा अधिवेशन भइरहेको छ ।

कैलालीमा रहेको १३ स्थानीय तहका १२६ वडाहरूमा आज एकै दिन वडा अधिवेशन सुरु भएको एमाले कैलालीका जिल्ला सदस्य भुवन रिजालले बताए ।