रणवीर-आलिया बिहे पोस्टपोन्ड, राजकुमार-पत्रलेखा बिहे अर्को महीना

मुम्बइ । रणवीर कपुर र आलिया भाटको विहे डिसेम्बरमा नहुने भएको छ । यी दुईले यसवर्ष विहे नगर्ने बलिउड संचारमाध्यमले जनाएका छन् । अब उनीहरुले सन् २०२२ मा लगनगाँठो कस्नेछन् ।

उनीहरु निकट स्रोतले भन्यो : उनीहरु दुबै विहे गर्न चाहन्छन् तर, यसवर्ष विहे नहुने भएको छ ।’ विहेलाई लिएर उनीहरुसँग सानदार योजना रहेको र उनीहरु यसलाई लिएर हतार नगर्ने पक्षमा रहेको स्रोतले जनाएको छ ।

रणवीरका काका रणधीर कपुरले पनि भतिजको विहेलाई लिएर कुनै निश्चित नभएको बताएका छन् । केही समयअघि आलिया भाटले सामाजिक संजालमा पोस्ट गरेको तस्बिरलाई लिएर अड्कलबाजी काटिएको थियो ।

उक्त तस्बिरमा आलिया आठ नम्बर साइजको एउटा औंठी लगाएको देखिएको छ । उनको दोस्रो मिरर सेल्फीमा पनि औंठी देखिएको छ । यी दुई फोटो हेर्दा लाग्छ, आलिया-रणवीरबीच इन्गेजमेन्ट हुन भैसक्यो, बिहे हुन बाँकी छ ।’ उनीहरु चारवर्षदेखि रिलेसनसिपमा छन् ।

यसैबीच, बलिउड अभिनेता राजकुमार राव र प्रेमिका पत्रलेखाले यसैबीच चिसो याममा बिहे गर्ने भएका छन् । सन् २०१० देखि सम्बन्धमा रहेका उनीहरुको बिहे अर्को महीना हुने भारतीय संचारमाध्यमले जनाएका छन् ।