माटाको पाला बनाउन सिक्दै ओलीले भने: अर्को वर्ष यसमै दीपावली गर्छु (फोटो/भिडिओ)
२०७८ कार्तिक १८ गते १८:१२
काठमाडौं । एमाले अध्यक्ष केपी शर्मा ओली राजनीतिबाहिरका धेरै विषयहरुमा चासो र दख्खल राख्छन् । जस्तो कि आज उनी एउटा कार्यक्रममा माटोको भाँडा बनाउन सिकिरहेका थिए ।
‘गन्तव्य भक्तपुर थिमी’ नाम पुस्तकको विमोचनका लागि ओली ठिमी पुगेका थिए । त्यहाँ उनकै आग्रहमा माटोको भाँडो बनाउन सिकाउने व्यवस्था मिलाइएको थियो ।
कार्यक्रममा ओलीले सम्वोधन गर्नुअघि नै चक्र र चर्खा राखियो । त्यहाँ मुछेको माटो ठिक पारियो । अनि एक कालिगढले उनलाई माटोको पाला बनाउन सिकाए । सिकिसकेपछि ओली प्रफुल्लित देखिए ।
आफ्नो भाषणमा उनले पहिलोपटक आफूले माटोको भाँडा बनाउन सिकेको बताउँदै खुशी व्यक्त गरे ।
ओलीले भने, ‘अहिले आफुले बनाएको भाँडामा नै अर्को तिहारमा दिपावली गर्नेछु ।’
माटाले बनाएका भाँडाहरु किन र कसरी बलिया हुन्छन् भन्नेबारे पनि ओलीले व्याख्या गरेका थिए ।
नेपाल प्रेस
प्रकाशित: २०७८ कार्तिक १८ गते १८:१२
प्रतिक्रिया
सम्बन्धित खवर
