राजदूतहरुले पनि गरे लक्ष्मीपूजा, अमेरिकी राजदूत बेरीदेखि अष्ट्रेलियाकी भल्कसम्मले भित्राए लक्ष्मी

काठमाडौं । नेपालस्थित विदेशी कूटनीतिक मिसनका व्यक्तिहरुले पनि लक्ष्मीपूजा गर्दै तिहार मनाएका छन् । अमेरिकी राजदूत र्‍यान्डी बेरी, अष्ट्रेलियाली राजदूत फेलिसिटी भल्क लगायतले बिहीबार बेलुका लक्ष्मीपूजा भित्राए । उनीहरुले कुकुर तिहार पनि सेलिव्रेसन गरेका छन् ।

चिनियाँ राजदूत होय यान्छीले पनि नेपालीलाई तिहारको शुभकामना दिएकी छिन् । नेपाली चाडपर्व मनाउने कुरामा अमेरिकी राजदूत बेरी अगाडि छिन् । सम्भवतः सबै नेपाली चाडपर्वहरु मनाउँदै उनले सामाजिक संजालमा तस्बिर सेयर गरिरहेका हुन्छन् । अमेरिकी राष्ट्रपति कार्यालय ह्वाइट हाउसमा पनि राष्ट्रपति जो बाइडेन दम्पत्तिले दीपावली मनाएको तस्बिरलाई अमेरिकी दूतावासले सेयर गरेको छ ।

अष्ट्रेलियाली राजदूत भल्कले दीपावलीको तस्बिर सेयर गर्दै आफूलाई तिहार पर्व मनपर्न थालेको बताएकी छिन् । बिहीवार आफूले मखमली माला र प्रकाशहरुको मिलाएर आफूले तिहार मनाएको समेत उनले उल्लेख गरेकी छिन् । अन्य विदेशी मित्रराष्ट्रहरुले पनि तिहारको उपलक्ष्यमा नेपालीलाई बधाइ तथा शुभकामना सन्देश दिएका छन् ।