आर्मीविरुद्ध गण्डकीका समिर कँडेलले बनाए अर्धशतक

काठमाडौं । प्रधानमन्त्री कप पुरुष एकदिवसीय क्रिकेट प्रतियोगिताको पहिलो खेलमा त्रिभुवन आर्मी क्लबविरुद्ध गण्डकी प्रदेशका समिर कँडेलले अर्धशतक बनाएका छन् ।

त्रिवि क्रिकेट मैदानमा आर्मीले दिएको २ सय ८८ रनको लक्ष्य पछ्याइरहेको गण्डकीका लागि तेस्रो नम्बरमा ब्याटिङ गर्न आएका कँडेलले ८९ बलमा ५ चौकासहित ५० रन बनाएका हुन् ।

३५औं ओभरमा अर्धशतक बनाएका समिर सोही ओभरको चौथो बलमा राजेश पुलामी मगरको हातबाट क्याच आउट भए ।

विभागीय टोली आर्मीविरुद्ध २८८ रनको ठूलो लक्ष्य पछ्याइरहेको गण्डकीले ३८।३ ओभरमा ५ विकेट गुमाएर १४१ रन जोडेको छ ।