सल्यानबाट चुनिए आठजना एमाले महाधिवेशन प्रतिनिधि

सुर्खेत । कर्णाली प्रदेशका १० जिल्लामध्ये सबैभन्दा पहिले सल्यान एमालेले महाधिवेशन प्रतिनिधि टुंगो लगाएको छ । जिल्ला इन्चार्ज एवम केन्द्रीय सदस्य गुलावजंग शाहले सल्यानबाट सर्वसम्मत आठजना प्रतिनिधि चुनाएको जानकारी दिए ।

प्रतिनिधिमा महिलाबाट पुष्पा कुमारी वोहोरा र संञ्चिता कुमारी ओली विसी चयन भएका छन् । त्यस्तै दलितबाट जनक विक छानिएका छन् । उनका अनुसार खुलाबाट पार्टी अध्यक्ष गोविन्द कुमार पुन, उपाध्यक्ष हिमबहादुर सेन, उपसचिव दानबहादुर केसी, पूर्वअध्यक्ष लोकबहादुर डाँगी र प्रदेश कमिटी सदस्य तिलक मल्ल छानिएका हुन् ।

कर्णालीका हुम्ला, कालिकोट, सुर्खेत, दैलेख, जाजरकोटलगायतका जिल्लामा भने भोलि मात्रै महाधिवेशन प्रतिनिधि टुंगिने छ ।