भिटेनलाई उछिन्दै अस्मिता अधिकारीको गीत शीर्षस्थानमा, यस्तो छ पछिल्लो साता सर्वाधिक हेरिएका नेपाली गीत (भिडिओ)

काठमाडौं । खेम सेञ्चुरी र अस्मिता अधिकारीको स्वरमा रहेको गीत ‘राम राम मरौटी’ पछिल्लो साता युट्युवमा सर्वाधिक हेरिने नेपाली गीत बनेको छ । सात दिनमा मात्र यो गीतलाई १६ लाख २१ हजार ४३९ पटक हेरिएको छ । यो गीतको कूल भ्यूज १ करोड ९ लाख ३ हजार ९३३ छ ।

भिटेनको स्वरमा रहेको गीत ‘गल्ली सडक’ दोस्रो स्थानमा छ । अघिल्ला दुई साता लगातार शीर्ष स्थानमा रहेको भिटेनको गीतलाई पछिल्लो सातामा १० लाख ८९ हजार ३२ पटक हेरिएको छ भने यसको कूल भ्यूज ३० लाख १६ हजार ४१ छ ।

प्रकाश दूतराजको स्वरमा रहेको ‘जाम भो माइली’ यो सातामा तेस्रो सर्वाधिक हेरिने नेपाली गीत बनेको छ । पछिल्लो सातामा मात्र यो गीतलाई १० लाख ५ हजार ५८४ पटक हेरिएको छ भने यसको कूल भ्यूज संख्या ६५ लाख १९ हजार ४३७ छ । रुटिन अफ नेपाल बन्दले तयार पारेको साताको सूची यस्तो छ :

१) खेम सेञ्चुरी र अस्मिता अधिकारी ‘राम राम मरौटी’ : १६२१४३९

२) भिटेन ‘गल्ली सडक’ : १०८९३२

३) प्रकाश दूतराज ‘जाम भो माइली’ : १०५५८४

४) खेम सेन्चुरी ‘मन परेको मान्छे’ : ९६११३४

५) दिनेश ढकाल ‘कालो केशमा रेलिमई’ : ७९६८६०

६) प्रितम पोखरेल ‘मुसी’ : ७०१७७९

७) महेश काफ्ले ‘माया बिरानी-२’ : ६१३३७०

८) सजन राज वैद्य ‘नगण्य माया’ : ४७७८४५

९) रचना रिमाल ‘अझै पनि’ : ४५६७६६

१०) मिलन नेवार ‘फूलबुट्टे सारी’ : ४१०७५१