चिसोमा रुघाखोकीबाट जोगिन जिंक पाइने आहारा खानूस्

काठमाडौं । मौसम परिवर्तनसँगै रुघाखोकीको संक्रमण देखापर्छ । चिसो मौसम सुरु भएसँगै रुघाखोकीबाट बच्न थप सतर्कता अपनाउनु पर्ने बेला आएको छ । विज्ञहरुका अनुसार खानामा पाइने जिंकले रुघाखोकीबाट बच्न कम गर्छ ।

जिंकले दुई दिनमै रुघाखोकी निको हुनुका साथै टाउको दुख्ने, सिगाँन बग्ने र ज्वरो आउने लक्षण कम गर्छ । जिंकको सप्लिमेन्ट खाँदा २ दिनमा निको हुने पश्चिमा विश्वविद्यालयका अनुसन्धानकर्ताहरुको दाबी छ ।

जिंकले संक्रमण कम गर्नुका साथै रोग लाग्नबाट पनि कम गर्ने अनुसन्धानकर्ताहरुले बताएका छन् । तर यो कति मात्रा प्रयोग गर्ने भन्ने प्रष्ट भने भइसकेको छैन । वेस्टर्न युनिभर्सिटीका वैज्ञानिकहरुले श्वासप्रश्वासमा हुने संक्रमणको बारेमा अध्ययन गरेका छन् । अनुसन्धानमा जिंकले रुघाखोकी र रुघाखोकीका लक्षणलाई कम गर्नें देखाएको छ । यसले सिगाँन बग्ने, टाउको दुख्ने र शरिरको तापक्रम बढेको पनि कम गर्छ ।

जिंकले शरिरमा के गर्दछ ?

जिंक एउटा पोषक तत्व हो जसले शरिरमा धेरै कामहरु गर्दछ । यसले शरिरको इम्यूनिटी बढाउने, पाचन प्रणालीमा सुधार गर्ने काम गर्दछ । जिंक मासु, माछा र चीजमा बढी मात्रामा पाइन्छ ।

बेलायतको स्वाथ्य एजेन्सी (एनएचएस) ले यो बताएको छ कि खानामा पुरुषले ९.५ मिलिग्राम र महिलाले ७ मिलिग्राम जिंक लिन्छन् । जिंक लिदा धेरै मात्रामा लिनुहुँदैन । जिंकको प्रयोग बढी भयो भने शरिरमा आइरनको कमी हुन्छ र हड्डी कमजोर हुन्छ ।

अनुसन्धानकर्ताले ५५० जनामा जिंकको २८ वटा परीक्षण गरेको थियो । रुघाखोकीका बिरामीलाई मुख वा नाकबाट स्प्रे गरेर जिंक खुवाउन सकिन्छ । अनुसन्धानको क्रममा जसलाई जिंक दिइएको थियो उनीहरुलाई २ दिनमा सधार भएको थियो । जिंक नदिएको बिरामीमा सात दिनसम्म लक्षण देखा परेको थियो । रुघाखोकीबाट गम्भिर बिरामी भएकालाई दैनिक जिंक सेवनले लक्षण कम नगरेपनि तीन दिनदेखि यसको प्रभाव देखिन थाल्छ ।

अध्ययनका अनुसार जिंकको साइड इफेक्ट भने देखिएको छैन । त्यसकारण जो चिसो–रुघाखोकीको उपचार खोजिरहेका छन् उनीहरुलाई जिंक एकदमै प्रभावकारी हुन्छ ।

यी पाँच कुरा खानाले जिंकको मात्रा पुरा हुन्छ ।

ओखर :

ओखरमा जिंक र पोटासियम धेरै मात्रामा पाइन्छ । ओखरको वियालाई सुकाएर पिसेर खानामा मिलाएर खान सकिन्छ । यसका साथै दैनिक एक मुठ्ठी ड्राई फ्रुट खान सकिन्छ ।

माछा :

यसमा जिंक, प्रोटिन बाहेक पोषण तत्व प्रशस्त मात्रामा पाइन्छ । माछा हप्तामा दुई पटक पकाएर खान सकिन्छ । यसले रोग प्रतिरोधात्मक क्षमता बढाउन मद्दत गर्दछ ।

अण्डा :

एउटा अण्डामा ५ प्रतिशतसम्म जिंक हुन्छ । विज्ञहरु भन्छन्ण्ज्ञछण् हरेक दिन डाइटमा अण्डा खाने गर्नुहोस् । यसले रोग प्रतिरोधात्मक क्षमता बढाउनुका साथै मांसपेशीलाई पनि बलियो बनाउँछ ।

दुध :

यदि नन भेज खाना खान रुचाउनु हुन्न भने दुध धेरै मात्रामा खान सकिन्छ । दुध, दही, चीजले जिंकको कमीलाई पुरा गर्दछ ।

डार्क चकलेट :

यसले जिंकको कमी मात्र पूरा गर्दैन, महिलाहरुलाई महिनावारीमा हुने दुखाईलाई पनि कम गर्छ । डार्क चकलेटले मेटाबोलिज्मलाई सुधार्छ र मन मष्तिष्कलाई खुसी राख्दछ ।