माघ ११ गते विहे गर्दै बरुण र नताशा, बलिउडमा पाँचदिनसम्म ग्रान्ड पार्टी

मुम्बइ -अन्ततः बलिउड अभिनेता वरुण धवन आगामी जनवरी २४ मा विहे बन्धनमा बाँधिने भएका छन् । फेसन डिजाइनर प्रेमिका नतासा दलालसँग उनले विहे गर्न लागेको भारतीय संचारमाध्यमले जनाएका छन् ।

बलिउड हंगामाका अनुसार पाँच दिनसम्म भव्यरुपमा उनको विहे सेलिव्रेसन हुने भएको छ । अलिबगमा हुने उनको विहे समारोहमा केही खास र निकटलाई मात्र निम्तो गरिएको छ ।

विहेको दिन आउन जम्मा १० दिनभन्दा कम समय बाँकी छ र यो जोडीले विहेमा जुटेको छ । ग्रान्ड रिसेप्सनसहित उनको विहे पार्टी मुम्बइमा जनवरी २२ देखि २६ सम्म चल्नेछ ।

फेसन डिजाइनर हुनुको नाताले नतासाले आफ्नो विहे पहिरन आफै डिजाइन गर्नेछिन् भने वरुणको वार्डरोव चाहिँ कुनाल रावले डिजाइन गर्ने भएका छन् । पहिलो दिन हुने संगीत नाइटमा अर्जुन कपुर, सारा अली खान, मलाइका अरोरा, जान्वी कपुर, खुशि कपुर, करण जोहर र अनिल कपुर लगायतले प्रस्तुति दिने भएका छन् ।

डेभिड धवनका पुराना मित्र भएकाले पनि सलमान खानले पनि पार्टी ज्वाइन गर्ने भएका छन् । अर्को दिन मेहेन्दी सेलिव्रेसन हुनेछ । २०० जना पाहुनाको उपस्थितीमा ककटेल नाइट पनि हुनेछ । २०२० मा विहे हुने भनिएपनि भाइरस महामारीले विहे रोकिएको थियो ।