धादिङ कांग्रेसको सभापतिमा पौडेल पक्षका अधिकारी निर्वाचित
नेपाल प्रेस
२०७८ मंसिर १३ गते ९:४९
धादिङ । नेपाली कांग्रेस धादिङको सभापतिमा रामनाथ अधिकारी विजयी भएका छन् ।
निकटतम प्रतिद्वन्दी भीमप्रसाद ढुंगानालाई ३६ मतले पछि पार्दै अधिकारी विजयी भएका हुन् । अधिकारी वरिष्ठ नेता रामचन्द्र पौडेल पक्षका हुन् । ढुंगानालाई संस्थापन पक्षको समर्थन रहेकोे थियो ।
अधिकारीले १ हजार ८२ मत ल्याए भने ढुंगानाको १ हजार ४६ मत आयो । सभापतिसहित अन्य पदाधिकारी र सदस्यमा पनि अधिकांश रामनाथकै प्यानलका उम्मेदवार विजयी भएका छन् ।
उपसभापतिमा गेहेन्द्र मल्ल र दलबहादुर अधिकारी , सचिवमा रामकृष्ण पाण्डे र विकास श्रेष्ठ विजयी भएका छन् ।
नेपाल प्रेस
प्रकाशित: २०७८ मंसिर १३ गते ९:४९
प्रतिक्रिया
सम्बन्धित खवर
