प्रदेश १ को सभापतिमा अग्रता बढाउँदै गुरुराज घिमिरे
नेपाल प्रेस
२०७८ मंसिर १९ गते १८:१५
विराटनगर । नेपाली कांग्रेस प्रदेश १ को सभापतिका लागि भएको निर्वाचनको मतगणना जारी छ ।
सभापतिमा संस्थापनइतर पक्षका उम्मेदवार गुरुराज घिमिरेले अग्रता बढाउँदै लगेका छन् ।
पछिल्लो सार्वजनिक परिणाम अनुसार घिमिरेले ३९ मतको अग्रता हासिल गरेका छन् । घिमिरेले २ सय १२ मत ल्याउँदा देउवा–सिटौला समूहका उम्मेदवार उद्धव थापाले १ सय ७३ मत ल्याएका छन् ।
घिमिरे केन्द्रीय सदस्य हुन् भने, थापा झापा कांग्रेसका पूर्व सभापति हुन् । घिमिरेलाई कांग्रेस वरिष्ठ नेता रामचन्द्र पौडेल, महामन्त्री डा. शशाकं कोइराला, पूर्वमहामन्त्री प्रकाशमान सिंह र नेता डा. शेखर कोइरालाको समर्थन रहेको छ ।
थापालाई सभापति शेरबहादुर देउवा, उपसभापति विजयकुमार गच्छदार र पूर्व महामन्त्री कृष्णप्रसाद सिटौला लगायतको समर्थन रहेको छ ।
प्रदेश १ को पदाधिकारी तर्फपनि घिमिरे प्यानलका उम्मेदवारहरुले अग्रता लिएका छन् ।
नेपाल प्रेस
प्रकाशित: २०७८ मंसिर १९ गते १८:१५
प्रतिक्रिया
सम्बन्धित खवर
