अछामका १० वटै पालिकामा माओवादी नेतृत्व चयन, कहाँ को आए ?

अछाम । नेकपा माओवादी केन्द्र अछामको १० वटै पालिकामा नयाँ नेतृत्व चयन भएको छ । माओवादी केन्द्र जिल्ला इन्चार्ज झपट साउँदका अनुसार पालिका सम्मेलनबाट सबै पालिकामा नेतृत्व चयन कार्य सकिएको छ ।

साउँदका अनुसार ढकारी गाउँपालिकामा नृप थापाको अध्यक्षतामा २६ सदस्यीय गाउँपालिका संगठन कमिटी गठन भएको छ ।

बान्नीगढी जयगढ गाउँपालिकामा जगत थापाको अध्यक्षतामा २७ सदस्यीय, चौरपाटी गाउँपालिकामा जीवन विक्रम साउँदको अध्यक्षताका २७ सदस्यीय, रामारोशन गाउँपालिकामा शेरबहादुर बोहरा ‘शिशिर’ को अध्यक्षामा ५५ सदस्यीय, मेल्लेख गाउँपालिकामा ज्वालासिंह साउदको अध्यक्षमा ५५ सदस्यीय र साँफेबगर नगरपालिकामा रंगबहादुर ठकुल्लाको अध्यक्षतामा ४९ सदस्यीय नेतृत्व चयन भएको छ ।

यस्तै पञ्चदेवल बिनायक नगरपालिकामा अमर विकको अध्यक्षतामा ५५ सदस्यीय, कमलबजार नगरपालिकामा खड्क भण्डारीको अध्यक्षतामा २७ सदस्यीय नगर कमिटी चयन गरिएको छ ।

मंगलसैन नगरपालिकाका राजकुमार सोडारीको अध्यक्षतामा ६५ सदस्यीय तथा तृर्माखाद गाउँपालिकामा मनबहादुर बयकको अध्यक्षतामा ५५ सदस्यीय पालिका संगठन कमिटी गठन गरिएको छ ।