डब्लुएचओले घोषणा गर्नुअघि नै नेपालमा ओमिक्रोन आइसकेको पुष्टि !

काठमाडौं । गत २३ नोभेम्बरमा विश्व स्वास्थ्य संगठनले दक्षिण अफ्रिकामा पहिलोपटक कोरोनाभाइरको नयाँ भेरिएन्ट ओमिक्रोन संक्रमण भएको पुष्टि ग¥यो ।

डब्लुएचओले यसलाई अत्यन्तै संक्रामक मानिने सूची भेरिएन्ट अफ कन्सर्नमा समेत राख्दै सतर्क हुन आह्वान ग¥यो । त्यसयता अहिलेसम्म ३० भन्दा बढी मुलुकमा यो भेरिएन्ट फैलिएको पुुष्टि भएको छ ।

नेपालको स्वास्थ्य मन्त्रालयले पनि आज विज्ञप्ति जारी गर्दै मुलुकमा पहिलोपटक ओमिक्रोन भेरिएन्ट संक्रमण पुष्टि भएको जनाएको छ । गत मंसिर ३ गते विदेशबाट आएका दुईजनालाई भेरिएन्ट संक्रमण पुष्टि भएको मन्त्रालयको भनाई छ ।

मंसिर ७ गते उनीहरुलाई भाइरस कोभिड संक्रमण पुष्टि भएको जनाइएको छ । डब्लुएचओले ओमिक्रोन भेरिएन्ट पुष्टि गर्नुअघि नै आज संक्रमित पाइएका दुईजना पहिल्यै नेपाल आइसकेको तथ्य पुष्टि भएको छ ।

दुबै डोज खोप लगाइसकेका यी दुई व्यक्ति मंसिर ३ गते पीसीआर नेगेटिभको प्रमाणपत्र देखाएरै नेपाल छिरेका थिए । यो घटनाले विदेशबाट आउनेहरुको पीसीआरहरुको तथ्य र वैज्ञानिकतामा पनि प्रश्नचिन्ह खडा भएको छ ।