पाकिस्तान सुपर लिगमा सन्दीपसहित ११ नेपाली खेलाडी बिकेनन्

काठमाडौं । पाकिस्तान सुपर लिग (पीएसएल) २०२२ को आइतबार सम्पन्न ड्राफ्टमा लेग स्पिनर सन्दीप लामिछानेसहित ११ नेपाली खेलाडी अनुबन्धन भएनन् । सन्दीप लगातार तेस्रो पटक पीएसएलमा अनुबन्ध हुन असफल भएका हुन् ।

ड्राफ्टमा प्लाटिनम क्याटगोरीमा रहेका सन्दीपलाई कुनै पनि टोलीले अनुबन्ध गरेन । यस्तै, विकेटकिपर ब्याट्समेन विनोद भण्डारी गोल्ड क्याटगोरीमा रहेका थिए ।

सिल्भर क्याटगोरीमा रहेका अन्य खेलाडी सोम्पाल कामी, साहब आलम, सुशन भारी, शरद भेषवाकर, सुवास खकुरेल, ललितनारायण राजवंशी, पवन सर्राफ, वसन्त रेग्मी र विक्रम सोबलाई पनि कुनै टोलीले अनुबन्ध गरेनन् ।