कांग्रेस महाधिवेशन
दोस्रो चरणको मतदान सुरू, देउवाले खसाए भोट (तस्बिरहरू)
२०७८ मंसिर २८ गते १५:५९
काठमाडौं । नेपाली कांग्रेसको सभापतिका लागि दोस्रो चरणको मतदान सुरु भएको छ । भृकुटीमण्डपस्थित मतदानस्थलमा अपरान्ह पौने चार बजेबाट मतदान सुरु भएको हो ।
कांग्रेसकी बयोवृद्धा प्रतिनिधि शान्ति कार्कीले पहिलो भोट खसाएकी थिइन् । प्रधानमन्त्री तथा सभापतिका प्रत्याशी शेरबहादुर देउवाले पनि भोट खसाइसकेका छन् । अर्का प्रत्यासी शेखर कोइराला पनि मतदानका लागि आइसकेका छन् ।
देशभरका कांग्रेस प्रतिनिधिहरू सभापति चुन्नका लागि मतदानस्थलमा लाइन लागेका छन् । हिजो भएको मतदानमा कसैले पनि बहुमत ल्याउन नसकेपछि आज दोस्रो चरणको मतदान भएको हो । यस मतदानमा शेरबहादुर देउवा र शेखर कोइरालाले प्रतिस्पर्धा गर्दैछन् ।
पहिलो चरणमा पराजित तीन उम्मेदवारले देउवालाई समर्थन गर्ने घोषणा गरिसकेका छन् ।
प्रकाशित: २०७८ मंसिर २८ गते १५:५९
प्रतिक्रिया
सम्बन्धित खवर
