विकिलिक्सले चुहाएको अमेरिकी खुफिया रिपोर्ट-प्रचण्डलाई प्रधानमन्त्री बनाउन तयार थिए राजा ज्ञानेन्द्र

इटहरी । अहिले बजारमा प्रचण्ड र केपी ओलीको ज्ञानेन्द्र फ्याक्टरको दोहोरी छ । ओलीले प्रचण्डको ज्ञानेन्द्रसँगको सम्बन्धको बारेमा पाँच बुँदे सहमति नै गरेर माघ १९ को उधुम मच्चिएको आरोप लाएका छन् । प्रचण्डले कडा भाषामा आपत्ति जनाएका छन् ।

यो पनि पढ्नुहोस् : ओलीको दाबी- प्रचण्ड र ज्ञानेन्द्रबीच सहमतिमा माघ १९ को उपद्रो भएको थियो (भिडिओ)

यद्यपि, प्रचण्ड र ज्ञानेन्द्रको मित्रवत सम्बन्ध र शक्ति बाँडफाँटका बारेमा पूर्वमाओवादी नेतृ हिसिला यमीदेखि चरम माओवादी युद्धकालमा भारतीय विदेश मन्त्रालयको नेपाल तथा भुटान हेर्ने हाकिम हुँदै नेपालका लागि राजदूतसमेत रहिसकेका रन्जित रेको पुस्तकमा समेत चर्चा गरिएको छ ।

केपी ओलीको दाबीको तत्कालै सशक्त प्रतिकार गरेका प्रचण्डले हिसिला र रञ्जित रे को खुलासाबारे भने केही बोलेका छैनन् । बरु उनले रन्जित रे को पुस्तकले माओवादी आन्दोलनबारेका भ्रम चिरेको टिप्पणी गरेका थिए ।

यो पनि पढ्नुहोस् : प्रचण्डको कडा वक्तव्य- कि राजासँग गरेको सम्झौता प्रमाणित गर्नुस् नत्र माफी माग्नुस्

प्रचण्ड र ज्ञानेन्द्रको शक्ति बाँडफाँडको सहमति बारेमा विश्व चर्चित दस्तावेज विकिलिक्सले समेत सार्वजनिक गरेको थियो । अमेरिकाका गोप्य सूचनाहरू चुहाएर चर्चामा आएको विकिलिक्स्ले अमेरिकी गुप्तचरहरूले तयार गरेर राखेको गोप्य कूटनीतिक सूचनाहरूमा ज्ञानेन्द्र- प्रचण्ड सम्बन्ध बारेमा केही खुलासा गरेको थियो ।

काठमाडौंस्थित अमेरिकी दूतावासले अमेरिकामा सन् २००७ अप्रिल ९ अर्थात २०६३ चैत्र २६ मा पठाएको सूचना चुहाँउदै विकिलिक्सले प्रचण्ड र ज्ञानेन्द्रको शक्ति बाँडफाँटको बारेमा जानकारी सार्वजनिक गरेको थियो । अहिले पनि उक्त सूचना विकिलिक्सको आधिकारिक वेबसाइटमा हेर्न सकिन्छ ।

बाबुराम भट्टराईले भारतीय गुप्तचर निकाय ‘र’ सँग मिलेर माओवादीका शीर्ष नेताहरूलाई धमाधम भारतमा पक्राउ गराएर पचण्डलाई पनि पक्राउ गर्ने तयारी गरेपछि प्रचण्ड र ज्ञानेन्द्र सम्बन्ध अगाडि बढेको अमेरिकी रिपोर्ट विकिलिक्सले चुहाएको थियो ।

यो पनि पढ्नुहोस् : ओलीविरुद्ध कडा वक्तव्य निकाल्ने प्रचण्डले राजा र माओवादीबारे खुलासा गर्ने रन्जित रे को किन गरे प्रशंसा ?

विकिलिक्सले राजा र माओवादी मिलेर अन्य दलहरुलाई तह लाउन प्रचण्डको प्रस्ताव भएको उल्लेख गरेको थियो । यस्तै तत्कालीन विद्रोही माओवादीका कमाण्डर प्रचण्ड राजा ज्ञानेन्द्रको प्रधानमन्त्री बन्न तयार भएको समेत विकिलिक्सले सार्वजनिक गरेको थियो ।

यो पनि पढ्नुहोस् : हिसिला यमीको दाबी– प्रचण्डले ज्ञानेन्द्रसँग मिलेर हामीलाई कमजोर पारेकै हुन्

प्रचण्डले ज्ञानेन्द्रका सैनिक अधिकारीमार्फत ज्ञानेन्द्रसँग रोल्पामा भेट्न चाहेको विकिलिक्सले सार्वजनिक गरेको थियो । तर, ज्ञानेन्द्रले भने रुकुम वा म्याग्दीमा भेट्न प्रस्ताव गरेको अमेरिकी गुप्तचर दस्तावेज विकिलिक्स्ले सार्वजनिक गरेको थियो ।