सिरहामा दुई समूहबीच छुरा हानाहान, एक युवकको मृत्यु
नेपाल प्रेस
२०७८ पुष ४ गते १५:५४
सिरहा । सिरहाको गोलबजार नगरपालिका–६ मा दुई समूहबीच छुरा हानाहान भएको छ । छुरा हानाहानमा एक युवकको मृत्यु भएको छ भने एक जना भाइते भएका छन् ।
छुरा प्रहारबाट घाइते भएका गोलबजार– ६ डोहटियाका करिब २६ वर्षीय रामकुमार सदालाई उपचारका लागि धनगढीमाई नगरपालिका–९ मा रहेको आरके मेरीसीटी अस्पताल पुर्याए पनि उनको मृत्यु भएको अस्पताल स्रोतले जनाएको छ ।
घाइते सोही ठाउँका १९ वर्षीय निकेश सदाको आरके मेरीसीटी अस्पतालमा उपचार भइरहेको छ ।
प्रहरीले दुई समूहबीच झडप भएको र घटनाबारे थप अनुशन्धान भइरहेको जनाएको छ । प्रहरीले घटनामा संलग्नहरूको खोजी गरी रहेको पनि जनाएको छ ।
नेपाल प्रेस
प्रकाशित: २०७८ पुष ४ गते १५:५४
प्रतिक्रिया
सम्बन्धित खवर
