इन्द्रेणीको आगलागी नियन्त्रणमा आउँदै, सडकमा रमितेको भिड
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/12/aago-lagi.jpg)
काठमाडौं । नयाँ वानेश्वरको इन्द्रेणी फुडल्यान्डमा भएको आगलागी नियन्त्रणमा आउन लागेको छ । आगलागी नियन्त्रणमा लागि पाँचवटा दमकल प्रयोग भएका छन् ।
इन्द्रेणी कम्प्लेक्सको माथिल्लो तल्लामा रहेको जीम सेन्टरबाट आगलागी सुरु भएको थियो । करिब एक घन्टापछि आगलागी नियन्त्रणमा आउन लागेको हो ।
अहिले घटनास्थलमा नेपाली सेनाको एउटा, काठमाडौं महानगरपालिकाको दुईवटा, ललितपुर महानगरपालिकाको एउटा र भक्तपुरको एउटा दमकल परिचालित छन् ।
इन्द्रेणी कम्प्लेक्स अगाडि रमितेहरुको भिड लागेको छ । जसका कारण वानेश्वर–माइतीघर सडक खण्डसमेत प्रभावित बनेको छ । आगलागी सुरु हुनासाथ धेरै मानिसहरु फोटो/भिडियो खिच्न र लाइभ गर्न व्यस्त बनेका थिए ।
आगलागीबाट अहिलेसम्म कुनै मानवीय क्षति नभएको प्रहरीले जनाएको छ । भौतिक क्षतिको कुनै विवरण प्राप्त भइसकेको छैन ।