चन्द्रागिरीको आईपीओ आज बाँडफाँड, कतिले पाए ?

काठमाडौं । चन्द्रागिरी हिल्स लिमिटेडको आईपीओ आज बाँडफाँड भएको छ । कम्पनीले निष्काशन गरेको आईपीओ शुक्रबार बिहान १० बजे गोलाप्रथामार्फत बाँडफाँड भएको हो ।

बिक्री प्रबन्धक ग्लोबल आईएमई क्यापिटलका अनुसार १२ लाख १६ हजार ९ सय ५३ जना आवेदकले आवेदन दिएका थिए । आईपीओमा आवेदन दिनेमध्ये १ लाख ३९ हजार ६०२ जनाले १० कित्ताका दरले कम्पनीको शेयर पाएका छन् ।

आवेदन दिएका मध्ये १० लाख ७१ हजार ५ सय १३ जनाको हात खाली भएको छ । कम्पनीले पुस २४ बाट २८ गतेसम्म सर्वसाधारणका लागि प्रति कित्ता १०० रुपैयाँ दरले १५ लाख ३४ हजार ९१ कित्ता आइपीओ निष्कासन गरेको थियो ।

जसमा ६१ हजार ३६४ कित्ता कम्पनीका कर्मचारी र ७६ हजार ७०५ कित्ता म्युचुअल फन्डलाई छुट्याइएको थियो । बाँकी रहेको १३ लाख ९६ हजार २२ कित्ता सर्वसाधारणका लागि रहेको थियो ।