पाल्पा एमालेको अध्यक्षमा घिमिरे निर्विरोध, सचिवमा पोखरेल
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/01/dhanendra-ghimire.jpg)
रूपन्देही । नेकपा एमाले पाल्पाको अध्यक्षमा धनेन्द्र घिमिरे निर्विरोध भएका छन् । उनको नेतृत्वमा एमाले जिल्ला कमिटी १ सय ५ सदस्यीय बनेको छ । कमिटीको उपाध्यक्षमा देवीलाल लामिछाने, सचिव भोजराज पोखरेल, उपसचिव टीका थापा र सुनिता शर्मा निर्विरोध भए । जिल्लाका ८१ वटै वडालाई समेटेर जिल्ला कमिटी निर्माण गरिएको छ ।
तानसेन नगरपालिका–९, तिन्टीआँप मदनपोखरामा एमालेको अधिवेशन शुक्रबार सुरू भएको हो । अधिवेशनको उद्घाटन गर्दै पूर्वमन्त्री तथा पोलिटब्युरो सदस्य दलबहादुर रानाले एमाले अझ बढी एकताबद्ध भएर आगामी निर्वाचनको तयारी गर्नुपर्ने बेला आएको बताए । उनले विकास निर्माणका ठूला काम एमाले सरकारले सुरु गरेकाले अब ती काम पूरा गर्न पनि निर्वाचन जित्नुपर्ने बताए ।