वास्तविक जनप्रदर्शन कस्तो हुन्छ २३ गते ‘कास्टिङ’ देखाउँछौं : ओली (भिडियो)

काठमाडौं । प्रधानमन्त्री केपी शर्मा ओलीले वास्तविक जनप्रदर्शन कस्तो हुन्छ भनेर आफूहरूले माघ २३ मा देखाउने बताएका छन्।

विभाजित नेपाल कम्युनिष्ट पार्टी (प्रचण्ड–माधव पक्ष)ले काठमाडौंमा शुक्रबार आयोजना गरेको सभाप्रति लक्षित गर्दै ओलीले त्यो सामान्य सभा मात्रै भएको बताए।

सभामा आठ-दश हजार मान्छे जम्मा भएपछि प्रचण्ड, माधव नेपाल लगायतका नेताहरू अनाश्वयक उत्तेजित भएको भन्दै उनले जनपरिचालनको बास्तविक ‘कास्टिङ’ आफूहरूले देखाउने बताए।

आजको सभा के हो र ? वास्तविक जनप्रदर्शन कस्तो हुन्छ २३ गते गरेर देखाउँछौं,’ पेशागत विशेष जिल्ला ब्यूरोको कार्यकर्ता भेलालाई सम्बोधन गर्दै ओलीले भने, ‘हामी अन्य काममा लागेर तयारी गर्न नभ्याइएको मात्रै हो । वास्तविक जनपरिचालन कस्तो हुन्छ भन्ने कुराको कास्टिङ त्यो बेला देखाउँछौं ।’