राजसँगको ‘ब्रेकअप’लाई बल मिल्ने गरी वर्षाको टिप्पणी : लभ त कहिले नै परेको थियो र ?’

काठमाडौं । अभिनेत्री वर्षा शिवाकोटी र अभिनेता राज कटुवाल केही समयदेखि ‘रिलेसनसिप’मा थिए । उनीहरुले टाइमलाइनमा समेत सम्बन्धलाई खुलाएका थिए ।

तर, यी दुईबीचको सम्बन्धलाई लिएर अहिले टाइमलाइन गर्माएको छ । इन्स्टाग्राममा राजलाई वर्षाले अनफलो गरेको भनेर टिप्पणीहरु पनि भैरहेका थिए । यो जवाफलाई वर्षाले खासै ठूलो कुरा नभएको भनेर समेत बताएकी थिइन् ।

भलै, दुबैले खुलेर ब्रेकअप भएको बताएका छैनन् । यद्यपी, राजसँगको ब्रेकअपको अनुमानलाई बल मिल्ने गरी वर्षाले ‘कहिले नै लभ परेको थियो र’ भन्ने जवाफ दिएकी छिन् ।

एक युट्युव अन्तवार्तामा वर्षा भन्छिन्, ‘लभ त कहिले परेको थियो र ? जबसम्म मेरो बिहेको कार्ड छापिँदैन दुईजनाको नामसहित, तबसम्म केही पनि निश्चित हुँदैन ।’

वर्षाको यो टिप्पणीले उनीहरुबीच सम्बन्ध हार्दिक नभएको भन्ने अनुमानलाई भने बल मिल्छ ।